Tammy kay 5 Dollars

Subah k saray 9 k qareeb , Office k kitchen pay mujhay aik tura mura 5 dollar note para mila . Lisa say request ki please aik Mass email kar do office walon ko kah jiskay dollars ghum gaye hon wo a kah uss say ley jaye . Lisa ko panch dollar dey k mujhay sara din khiyal he nahi aya kah us say puchon kisi nay 5 dollar claim kiye hain ya nahi . Lunch break k bad Lisa meray pass ayee aur boli koi nahi aya lainay ye lain apkay 5 dollar. Meinay Lisa say kaha meray nahi hain ye inka kia karon ? Lisa ney he kaha office k charity fund mein daal do. Second break pay mein Charity fund ki secretary Dr.Cindy k pass gayee aur unhain sari kahani bataa k opar apnay pod mein wapis a gaye .


 Thori der baad he taqreeban 3 bajay k qareeb , Humaray office ki mashoor Tammy ayee aur boli " Wo meray panch dollar thay , kapron k sath dhul gaye thay turay muray say thay... Meinay ussay kaha oh wo to meray pass nahi ab Dr.Cindy ko dey diye hain Charity k liye .. tum un say ja kah lay lo - wo kafi upset lag rahi thee. Meinay kaha wo tumhain dey dein gee mein unko phone par bata doongee kah tum apnay 5 dollars lainay a rahi ho. Tammy mashoor nahi  -- balkah shaid badnam kehna chahye kiu kah uska boyfriend drugs k chakkar mein aksar jail ki hawa khanay gia hota hai aur khud Tammy her roz kisi dentist say apnay dant nikalwanay ki appointment  banwaa rahi hoti hai  - Tah kah procedure k bad "pain killers" hasil kar sakay . Ziada logon ka khiyal hai wo kam per "High" hoti hai . Iss ki shahid to mein khud hon kah Tammy jitney daktar badalti hai itnay shaid kapray nahi badalti . Kher -- 15 minute k bad bhi Dr.Cindy k  pas wo nahi gaii apnay 5 dollar lainay to mein uski talash mein nikli . Uski supervisor ney bataya ab wo jaldi chali jati so sawa teen bajay chali gaye thee. Meinay uski supervisor say kaha usko kal yad kara dena us k panch dollar Dr.Cindy k pass anamat hain and wo lay ley.


Monday ko mujay Dr.Cindy milin to mein nay unsay pucha  Tammy apnay 5 dollar lay gaii ? wo kahnay lagain han  wo ayee thee magar 4 dollar ley kar gaii kiukah  aik dollar BJ charity ko  dey gaii thee. Tammy ki iss 1 dollar say mujhay bari sharmindagee hui kiu kah meinay dil he dil mein uska mazaq bhi uraya tha aur socha tha kah ye jhoot bol k paisay mangnay ayee thee .waqai uska aik dollar meray 100 dollars say charity mein barh k he hoga kiu usnay kisi ko dil he dil mein  chore nahi samjha tha  aur na he kisi dekhaway k liye 1$ dollar charity mein dia tha !

AuQaat

Ashfaq Ahmed sahib  Kah gaye hain " Insaan k liye rehnay ki kuch behtareen jaghon mein say aik apni auqaat mein rehna hota hai .Auqaat mein tou wohi reh sakta hai jisay apni Auqaat ka ehsas ho .Humaray Han na tou Zaat ka pata hota hai na auqaat ka - Pata hai tou bus yeh kah ajkal  Michael Kors k Bags aur Tory Burch k jotoon ki "sale" lagi hui hai.


Pehannay ki auqaat ho na ho naam bata kar Impress tou kar he saktay hain .Maria B aur Asim Jofa k kapray to bachpan say pahanti aa rahi hon - Khiyal rahay Bachpan kaha hai Pachpan ( 55 ) nahi .Baat tou Auqaat ki hoti hai -- 55 saal ki umar mein aa kah Auqaat bun gayee hai tou auqaat mein Rehnay  ki kia zaroorat hai ? Defense phase 2 mein na rahain ? Auqaat mein Rehna itna asaan hota tou Humaray samait  sab ki zindagiyan buhat asaan hotin !

FaceBook

When I meet  new people now a days I am always asked if I am on the FaceBook ? I always tell them , No I am not on FB --- Kiu kay mera Apna Face meray Maazi ki aik Open Book hai aur mujhay ye Book dobara parhnay ka koi shouQ nahi !