Insaan

Insaan zindagee k jhamailon mein mast ho kah ye bhi bhool jata hai kah uska yahan anay ka maqsad kia tha ... waqt guzar janay ka ehsas tab he kiun hota jab waqt kam rah jata hai ..aur phir iss baat ka israr bhi karta hai kah "Khuda nay mujhay seedhhi rah kiu na dhikaii ? " Shayed iski waja ye ho kah  Insaan ka ma'daa Nasyaan say gondha gia hai ..ye wa'daa Jo hum Jismon k iss zamin pay wajood mein anay pahlay ...apnay Rab say kar k aye thay "Wo Ehad e Alast zamin pay atay he bhool jatay hain ?" kiu kah hum Naye Rab bana laitay hain ..Nokri -- ghar -- bachay aur perfect zindagee  hasil kartay kartay burhay ho jatay hain .....tab ehsas hota hai aur murr k dekhnay pay maloom hota hai kah ..."Haye ..........Afsos zindagee to humain guzaaar chuki hai "
 

Muskhil Lamha

Bey Buss

Carly

Dedicated to my friend Jean for the loss of her Daughter Carly 9 yrs ago.

Carly had Edwards Syndrome and she died in her infancy .Jean still misses her and cries for her on daily  basis ..... it breaks my heart to see  ALL such mothers who lose their children and how they  are unable to forget that one child .... May God give them all Sabr ....its a definitely a test from God !

Insomnia

Roz Rah Taktay hain 
 Ajj Neend aye gee


Aur Apni ankhon mein
Rang rang khabon ki
Dheryan sajaye  gee


Khaab kuch Muhabbat kay
kuch teri rifaqat kay


Par humari dunya mein
Mou'jazay nahi hotay


Raat Beet jati hai
Aur hum nahi sotay

Mard ki Pasli

We were having dinner with me and My in laws as they visit us during  summer - Conversations revolved around how women don't do this , that or the other - I said to my father in law - A man  just needs to realize this - Aurat mard ki  pasli say paida hui  hai  --- Aur hazar koshish k baad bhi wo kabhi  seedhi nahi ho sakti  , han usay seedha karnay k chakkar mein usko tora ja sakta hai magar seedha nahi kia ja sakta  - Apna waqt aur energy unhain seedha karnay ki bajaye usko samajhnay aur Muhabat karnay mein laga lein  tou shaid Mardon ki life bhi asaan ho jaye gee.

Unhon ney zore say qahqaha lagaya aur bolay wah ye baat tou hum nay  kabhi sochi he nahi ?

Clarksburg k Homeless Baba Jee

Safaid Darhi aur ghehri neeli ankhon walay ye baba ji  ( shayed late sixties ) mein hongay  apnay bhari backpack k sath mujhay aksar Post office k aas pass nazar atay hain . Wo kabhi gariyon ki taraf dekh rahay hotay hain kabhi ghour say zameen ka Jaiza laitay paye jatay hain  ...Kuch mast malang type  . Mein unkay pass say bohat baar guzar chuki hon -He doesn't seem to look at me at all . Kafi ajib see baat hai kiu kah I am the only “exotic looking female "around here after all !
  I mean kahnay mein kia harj hai :)

Pichlay haftay mujhay Lunch break mein walk karnay ka shouq sawar hua to meinay socha mein iss walk k bahanay kuch  groceries bhi lay Aoon. Mein sabziyan aur phal uthaye wapis aa rahi thee kah meinay Baba jee ko phir post office k bahar khara dekha - wo humaisha ki tarah kisi duur cheez pay nazar jamaye kharay thay.. Aj baat kar k rahon gee  inn say ,  ye irada  dil mein mazboot kia aur unkay nazdeek a kah meinay unsay pucha --- Do you need anything sir ? Jawab aya   "No I don't need anything" baray sakoon say unhon ney apna backpack dosray kandhay pay muntaqil kia aur phir ghour say Zameen ko dekhnay lagay . Agar wo kehtay mujhay bhook lagi hai ya paisay chahyen tou zaroor dey deti. Laikin wo baba Jee to buhat  "dignified " niklay  bolay " I am a homeless person not a beggar , but thank you for your concern " Meinay unhain "No problem " kaha aur chalna shroh kar dia... sath he meinay apni Tashee bhi ki kah " Har Homeless Druggie nahi hota “ --- Laikin  such tou ye  hai  kah  saray Clarksburg  k homeless  -- Baba jee jaisey bhi nahi hotay !

 Ab kabhi guzartay huay wo nazar atay hain tou aik shanasai ki mutual respect wali muskurahat unkay chehray pay nazar zaroor ati hai  Halankah Baba jee buhat "aloof " type hain inn ko mein yad hon buhat bari baat hai  warna wo tou kisi ki taraf Nazar utha kar bhi nahi dekhtay! Aur ye bhi mumkin hai  kah ye sirf meri Khush fehmi ho !